منتــــديات جـــــــــوانا
لو علمت الدار بمن زارها فرحت واستبشرت ثم باست موضع القدمين وأنشدت بلسان الحال قائلة :أهلا وسهلا بأهل الجود والكرم ..أهلا بكم _إدارة منتديات جوانا _

منتــــديات جـــــــــوانا

دردش وتواصل معنا بقلمك الحـــــــــر ..أمرح وأبتسم فأنت في كوكب جوانا
 
الرئيسيةاليوميةمكتبة الصورس .و .جبحـثالأعضاءالتسجيلدخول

شاطر | 
 

 نصائح لكل صبية مخطوبة أو على وشك الخطوبة عندما تكون مدعوة إلى أحد المطاعم

اذهب الى الأسفل 
كاتب الموضوعرسالة
شرودو
عضــــو جــــــــــديد
avatar

عدد المساهمات : 24
تاريخ التسجيل : 20/07/2011
العمر : 44
الموقع : الكوكب الأزرق

مُساهمةموضوع: نصائح لكل صبية مخطوبة أو على وشك الخطوبة عندما تكون مدعوة إلى أحد المطاعم   الجمعة يوليو 22, 2011 2:14 pm


آنستي
العزيزة..


لوربنا فك عقدتك وانخطبتي.. فإليك نصائحي حتى تأخذي بخطيبك من مركب الخطوبة إللى ماحدا بيعرف راح ترسى على شو إلى مثوااااه الأخير في قفص النسانيس قصدي قفص الزوجية السعيد..أجمل ما في الخطوبة العزايم الرومانسية على أحلى محلات أكل في البلد واللي عمرك ما راح تشوفيها بعد الزواج.. المهم نصائحي لك عند أي عزيمة مع خطيبك

1. الأول لازم تعرفي إن الشوكة والسكينة بينمسكوا من إيديهم من الطرف يعني مو من الوسط ولا من البوز متل الخنجر ولا من فوق طبعًااا


2. الخبز .. أوعي تفضحينا وتقطعيه بسنانك ولا الرغيف نصين بأيدك وكل نص لقمة وعلى دحش أوعي.. الخبز بيتقطع بالسكينة بالصحن.. وبعدين بتاخدي لقمة.. لقمة.. بالزور قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِشّي متل مابدك....


3.. الشوووربة أبوس كعب رجلك.. بند الشوربة مهم جدًاااا.. الشوربة بتنشرب من غير صوت أبداً.. ومن غير ماتقعدي تنفخي فيها.. متل صبي النارة تبع الأركيلة اللي بينفخ في الفحم للزبون.. وطبعًاااااا بدي ياكي تنسى تمامًا الطاسة اللي بتحطيها على تمك في البيت وتشرشري على حالك..بالمعلقه وبدون صوت.. سخنة .. نار .. كمان بدون صوت.. وبتتركي تلت الطبق ع الأقل.. مو تميليه.. منشان تلهطيها لآخرنقطة.....


4.. الرز طبعاً بيتاكل بالشوكة أوعي إيدك تنمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه .. موبتاكليه..


5.. المعكرونة.. الاسباكتي كمان بالشوكة.. بتنلف على طرفالشوكة.. لحد ما تخلص وبعدين تحطيها ف تمك عالسكت.. مو تشفطي المعكرونة عودعود..


6.. السمك مشكلة.. شوفي.. بتفصلي اللحم عن الشوك. شلوووون..؟؟تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. ماتقلبي السمكة.. بلا فضايح.. شيلي السلسلة بالشوكة والسكينة وحطيها جنب الصحن وكمليأكل النص التاني.. وبدال الفيلم الهندي هاد.. نصيحة.. ما تاكلي السمك أبداً.. قولي مابحب السمك ونفدي حالك..


7.. الجمبري -إذا كنتي بتعرفيه-.. أول ماطبق الجمبري بينزل.. طلعي عليه بقرف واحتقار شديدين.. قال يعني قرفانة من كتر أكل الجمبري الجامبو فيبيت بابااااا.. وأتنهدي بقوة وقولي.. كمااااان..؟؟؟ وبتروحي قاطعة راس الجمبريياية بالشوكة..


8.. البطاطا سواء مسلوقة أو مقلية أوعي تهرسيهاوترميها ع الرز ويللا..... لا..لآ...لآ...بالشوكة قطعة قطعة وإنت متل ما تكوني راحتبكي من كتر ما البطاطا صعبانة عليكي..


9. الفاكهة.. لو الفاكهة فيها بذر طلعيه من تمك على مهل وحطيه ف إيدك وهي مسكرةوبعدين في طفاية السجاير اللي على الطاولة.. أوعي ياحبيبتي من نظام التفتفة للبذر.. إنسي.....


10.ولما تخلصي أكل .. بتحطي إيدك على بطنك-اللي عصافيرها عمتزقزق من العيّنات والنماذج اللي أكلتيها-.. وتقولي له مو معقول.. أنا عمري ما اكلت هيك.. أنا قدامي أسبوع.. ما راح آكل فيه.....


وبعدين تمسكي الفوطة اللي دايمًا موجودة ع الطاولة من غير لزوم.. وتبوسيها.. قال يعني بتمسحي تمك..


وبعدين تستأذني منه لدخول الحمام لإصلاح ماكياجك وبتدخلي الحمام وبتطالعي من الشنطة تبعيتك.. سندويشة الفلافل اللي جايبتيها معك وبالهناوالشفااااااااااااا
الرجوع الى أعلى الصفحة اذهب الى الأسفل
عاشقة سيلا
عضــــو جــــــــــديد
avatar

عدد المساهمات : 46
تاريخ التسجيل : 19/07/2011

مُساهمةموضوع: رد: نصائح لكل صبية مخطوبة أو على وشك الخطوبة عندما تكون مدعوة إلى أحد المطاعم   الإثنين يوليو 25, 2011 12:23 am

هههههههه فرطت ضحك لما قريت الموضوع

يسلمووو خيووو
الرجوع الى أعلى الصفحة اذهب الى الأسفل
بنت شهاب
مـــديره عــاااامة
avatar

عدد المساهمات : 39
تاريخ التسجيل : 01/07/2011
العمر : 33

مُساهمةموضوع: رد: نصائح لكل صبية مخطوبة أو على وشك الخطوبة عندما تكون مدعوة إلى أحد المطاعم   الإثنين يوليو 25, 2011 3:11 am

جميل مانقلته لنا وميرسي على رسم البسمه
الرجوع الى أعلى الصفحة اذهب الى الأسفل
 
نصائح لكل صبية مخطوبة أو على وشك الخطوبة عندما تكون مدعوة إلى أحد المطاعم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــــديات جـــــــــوانا  :: القســـم العــــــــــام :: (( ســوالفنا ولعبنـــا غيـــر ))-
انتقل الى: